Berre Brit: Neste stopp: Hvide Sande, Danmark.

mandag 10. august 2009

Neste stopp: Hvide Sande, Danmark.

Ja, kvar gjekk turen Vidar? Det var berre å sjekke Windguru. Vindmeldingane i Hvide Sande i Danmark var lovande og billett over Skagerak til Hirtshals vart bestilt i ein fei. Ein rask telefon til Erik og Heidi i Skien, og vips så var dei med på turen og. I baggasjen hadde dei med seg 15 mnd gamle Fredrik som vart mitt store favorittfotoobjekt i Danmark. For ein fantastisk sjarmør!!
Erik og Heidi var mine fallskjerminstruktørar i 2005, medan Vidar kjenner dei frå både jobb og studiar i Bø. Ja, og så fallskjermmiljøet da. Her er eit lite bilete frå den gongen. Sindre Frigstad har teke biletet!

Vind vart det. I alle fall eit par dagar. Det vart nok vind til at armar og rygg var meir enn mørbanka. Rett og slett sårt vart det. Ikkje nok med at vi fekk med oss Erik, Heidi og Fredrik på tur, men Hilde og Ingrid frå Hemsedal var og på ferie i Hvide Sande. På toppen av dette dukka det hyggelege paret Marit og Bjørnar samt dotter deira Lisa opp. Dei vart vi kjent med i bryllupet til Kathrine og Espen. Det vart med andre ord ein ganske så stor norsk vindsurfingskoloni etter kvart. Her er nokre bilete, og som sagt, det er eit par av Fredrik.