Unge Laksy ser skeptisk ut, risset ventar!
DER Vidar! DET kan vi gå!!
Bilen fungerte som bolig og ein parkeringsplass i Smögen vart tilhaldsstaden for helga. Ei populær festhavn for norske seilarar. Høgsesongen for fyll og fanteri hadde ikkje byrja enda og dermed framsto Smögen som eit skikkeleg paradis. Ikkje minst på grunn av bakeriet Skäret. Er du i Smögen er eit besøk dit obligatorisk! Natt til fredag styrtregna det. Vi hadde med andre ord ikkje store forhåpningane om klatring den dagen, men jauda. Ein tur ned til Kleven kl. 15.00 og der var veggen fin og tørr!
Kleven, grei vegg med flott plassering.
Klar?
Jammen!
Dramatisk ljos og vakker utsikt.
Kvar vart det av Vidar?
Han la att skorne sine og....
....gjekk for å plukke blomar.
Fredag klatra vi i Brappersberget. På grunn av meir regn var det eit av få alternativ som tørkar fort. Der var vi ivrigast på å klatre og minst ivrige på å ta bilete. Derfor kan ein sjekke ut bileta frå i fjor. Vidar hadde nemleg noko ugjort med ei 6- rute der....
Magen full av rekesmørbrød, solnedgang og dunjakke, det blir ikkje stort betre enn det.
Søndag reiste vi til Hallinden for å gjera klassikaren Prismaster som er ei vedvarande 6- på 44 meter. Vidar cruisa og eg sleit. Eg er som sagt best når eg har kvilt meg i form. Dette var tross alt 4. dagen med klatring. Uansett så kom eg meg opp (til slutt) og tilfredse kunne vi reise attende til Kolsås. Nå blir det nokre dagar med restitusjon før eg, nok ein gong, har kvilt meg nok i form.
